என் ஆற்றலாகிய ஆண்டவரே! உம்மிடம் நான் அன்புகூர்கின்றேன். ஆண்டவர் என் கற்பாறை; என் கோட்டை; என் மீட்பர்; என் இறைவன்; நான் புகலிடம் தேடும் மலை அவரே; என் கேடயம், எனக்கு மீட்பளிக்கும்  வல்லமை,  என்  அரண்.  போற்றற்குரிய  ஆண்டவரை  நோக்கி  நான்  மன்றாடினேன்;  என்  எதிரிகளிடமிருந்து  நான்  மீட்கப்பட்டேன்.  சாவின்  கயிறுகள்  என்னை  இறுக்கின;  அழிவின்  சுழல்கள்  என்னை  மூழ்கடித்தன.  பாதாளக்  கயிறுகள்  என்னைச்  சுற்றி  இறுக்கின;  சாவின்  கண்ணிகள்  என்னைச்  சிக்க  வைத்தன.  என்  நெருக்கடிவேளையில்  நான்  ஆண்டவரிடம் மன்றாடினேன்; என் கடவுளை நோக்கிக் கதறினேன்; தமது கோவிலினின்று அவர் என் குரலைக் கேட்டார்; என் கதறல் அவர் செவிகளுக்கு எட்டியது.  திருப்பாடல்கள் 18: 1-6

ஏழைகளுக்கு மிகத்தாராளத்தோடு ஆற்றப்படும் அன்புப்பணியின் வழியாக மட்டுமே, கிறிஸ்துவில் நம் உரிமை வாழ்வு வளரும் மற்றும், கனிதரமுடியும் எனவும், புனித பவுல் நமக்குச் சொல்கிறார். இயேசு, தம் பாடுகள், மற்றும், மரணத்திற்கு முந்திய நாளில், தம் சீடர்களோடு இறுதி இரவு உணவு அருந்தியபோது, தன்னலமற்ற அன்பு வாழ்வுக்கு எடுத்துக்காட்டாய் விளங்கினார். அவர் அந்நிகழ்வில் தம் சீடர்களின் பாதங்களைக் கழுவினார். அவ்வாறே நாமும் செயல்படவேண்டுமென்று அவர் போதிக்கிறார். கிறிஸ்தவ உரிமை வாழ்வு, முக்கிய சமுதாய அம்சங்களையும் கொண்டிருக்கின்றது. தற்போதைய பெருந்தொற்றின் பாதிப்புக்கள், உரிமை வாழ்வின், தான் என்ற தன்னலக் கருத்தியலைக் குறைத்து, ஆழமான குழும உணர்வைக் கண்டுணர அழைப்புவிடுக்கிறது.         

 

திருத்தந்தை  பிரான்சிஸ்

ஜெயந்தன் அமதி
(தமிழ் கத்தோலிக்க ஆன்மகுரு, புனித பவுல் ஆலயம்)

Nygårdsgaten 3, 5015, பேர்கன், நோர்வே

Tlf - 0047-46321641, {0047-55215968} 

e-mail - This email address is being protected from spambots. You need JavaScript enabled to view it.)

 

 

 இறையுறவுகளுக்கு வாழ்த்துக்கள்!

இறைபணியை இலகுபடுத்த இணையவழி கூடுதல் சந்தர்ப்பம் தருகின்றது. இறைவார்த்தையை எடுத்துச்சொல்ல இலத்திரனியல் உதவிக்கு வருகின்றது.
கோடானகோடி தளங்கள் வலையமைப்பில் கொட்டிக்கிடக்கின்றன.

பொழுதுபோக்கிற்காக, தகவலுக்காக, கல்விக்காக, சேவைக்காக, வியாபாரத்திற்காக, விளையாட்டிற்காக, அரசியலுக்காக, ஆக்கத்திற்காக, அழிவிற்காகவென அம்பாரமாய் வலைத்தளங்கள் குவிந்துகிடக்கின்றன.

ஆண்டவரில் இணைக்கின்ற ஆன்மீக தளங்களும் அதிகமாய்த் தேவைப்படுகின்றன. மனிதனை இறைவனோடும், மனிதனை மனிதனோடும் இணைக்கின்ற பணியில் நம் Bergentamilkat.com ஒரு சிறு பங்களிப்பையேனும் செய்துவிடும் என்பது நம் உறுதி.

இறைசெய்தியையும் ஆலயத் தகவல்களையும் அறிவித்து நாம் இறையன்பிலும் மனித உறவிலும் வளர இவ்வூடகம் நமக்கு உதவுவதாக! அனைவரும் ஒன்றாய் இருப்பார்களாக என்ற நம் ஆண்டவரின் செபம் நமக்கு பலம் தருவதாக!

நன்றி,
ஜெயந்தன் அமதி
(தமிழ் கத்தோலிக்க ஆன்மீககுரு, புனித பவுல் ஆலயம், Nygårdsgaten 3, 5015, பேர்கன், நோர்வே
Tlf - 0047-46321641, {0047-55215968}  e-mail - This email address is being protected from spambots. You need JavaScript enabled to view it.)

 

Go to top
Template by JoomlaShine