ஆண்டவர்  உம்மை  வேடரின்  கண்ணியினின்றும்  கொன்றழிக்கும்  கொள்ளை  நோயினின்றும்  தப்புவிப்பார்.  அவர்  தம்  சிறகுகளால்  உம்மை  அரவணைப்பார்;  அவர்தம்  இறக்கைகளின்கீழ்  நீர்  புகலிடம்  காண்பீர்;  அவரது  உண்மையே  கேடயமும்  கவசமும்  ஆகும்.  இரவின்  திகிலுக்கும்  பகலில்  பாய்ந்துவரும்  அம்புக்கும்  நீர்  அஞ்சமாட்டீர்.  இருளில்  உலவும்  கொள்ளை  நோய்க்கும்  நண்பகலில்  தாக்கும்  கொடிய  வாதைக்கும்  நீர்  அஞ்சமாட்டீர்.      திருப்பாடல்கள் 91:3b-6

மனிதரான  கடவுளே,  தொழிலை  வெறுத்து  ஒதுக்கவில்லை  என்பதை,  தொழிலாளரான  புனித  யோசேப்பு  நமக்கு  நினைவுபடுத்துகிறார்.  எந்த  ஓர்  இளையோரும்,  எந்த  ஒரு  மனிதரும்,  எந்த  ஒரு  குடும்பமும்,  வேலையின்றி  இருக்கக்கூடாது  என்பதை  நாம்  உறுதியுடன்  சொல்வதற்குரிய  வழிகளைக்  காண,  புனித  யோசேப்பிடம்  மன்றாடுவோம்!

 

திருத்தந்தை  பிரான்சிஸ்

உயிர்த்த கிறிஸ்துவை அறிவிப்பது ஒன்றே, திருஅவையின் முக்கிய பணி

உலகெங்கும் இன்று நிலவிவரும் குடிபெயர்தல் என்ற எதார்த்தத்தை பல ஆண்டுகளுக்கு முன்னரே உணர்ந்தவர், புனித Charles Borromeo என்று, திருத்தந்தை பிரான்சிஸ் அவர்கள், தன்னைச் சந்திக்க வந்திருந்த ஒரு துறவு சபையின் உலகப் பிரதிநிதிகளிடம் கூறினார்.


Scalabrinian மறைபரப்புப் பணியாளர்களுடன் திருத்தந்தை

மீட்பின் தேவை குறித்த உணர்வே, விசுவாசத்தின் துவக்கம்

செவிமடுப்பது, அருகிருப்பது, மற்றும், சாட்சி பகர்வது என்ற மூன்று நிலைகளும் விசுவாசப் பயணத்தின் முக்கியப் படிகள் என 28, ஞாயிறு திருப்பலியில் மறையுரையாற்றினார் திருத்தந்தை பிரான்சிஸ்.

உலக ஆயர்கள் மாமன்றத் தந்தையர்களுடனும், அதில் பங்குபெற்ற ஏனைய உறுப்பினர்களுடனும் மாமன்ற நிறைவுத் திருப்பலியை, புனித பேதுரு பசிலிக்காப் பேராலயத்தில், அக்டோபர் 28, ஞாயிறன்று நிறைவேற்றியத் திருத்தந்தை பிரான்சிஸ் அவர்கள், இஞ்ஞாயிறு வாசகம் எடுத்துரைத்த, பார்வைத் திறனற்ற பர்த்திமேயுவை மையப்படுத்தி மறையுரையாற்றினார்.

 'ஒருவரையொருவர்  அன்புடன்  தாங்கிக்கொள்ளுங்கள்'

ஒற்றுமையையும், ஒருமைப்பாட்டையும் வளர்க்க திருத்தூதர் பவுல் கூறும் அறிவுரைகளை மையப்படுத்தி வெள்ளி-26.10.2018 காலையில் மறையுரை வழங்கிய திருத்தந்தை, அதன் தொடர்ச்சியாக அக்கருத்தை, தன் டுவிட்டர் செய்தியிலும் பகிர்ந்துகொண்டார். "நம்மிடையே ஒருமைப்பாட்டைக் காப்பதற்கு, 'ஒருவரையொருவர் அன்புடன் தாங்கிக்கொள்ளுங்கள்' என்று, புனித பவுல், நடைமுறைக்கு ஏற்ற அறிவுரையை வழங்குகிறார்" என்ற சொற்களை, திருத்தந்தை பிரான்சிஸ் அவர்கள், தன் டுவிட்டர் செய்தியாக வெள்ளியன்று வெளியிட்டார்.

நம் முயற்சிகளில் மற்றவர்களையும் இணைப்போம்

மற்றவர்களோடு இணைந்து நாம் அனைத்தையும் சாதிக்க முடியும் என்ற கருத்தை மையமாக வைத்து இச்சனிக்கிழமையன்று தன் டுவிட்டர் செய்தியை வெளியிட்டுள்ளார் திருத்தந்தை பிரான்சிஸ்.

'வருங்காலத்தை நீங்கள் உங்கள் கரங்களோடும், இதயத்தோடும், அன்போடும், ஆர்வத்தோடும் கனவுகளோடும் கட்டியெழுப்புவீர்கள். மற்றவர்களோடு இணைந்து' என்ற சொற்கள் திருத்தந்தையின் டுவிட்டர் செய்தியில் இடம்பெற்றிருந்தன.

இயேசுவை அடித்தளமாகக் கொண்டிருப்பது துணிகச் செயல் 25.10.2018

நாம் பாவிகள் என்று ஏற்றுக்கொள்வதே, இயேசு கிறிஸ்துவின் அன்பை புரிந்துகொள்வதற்கு முதல் படியாக அமைகிறது என்றும், இதைத் தொடர்ந்து நாம் 'வெறும் வார்த்தையளவில் கிறிஸ்தவர்களாக' இருக்க முடியாது என்றும், திருத்தந்தை பிரான்சிஸ் அவர்கள் வியாழன் 25.10.2018 வழங்கிய மறையுரையில் கூறினார்.

Go to top
Template by JoomlaShine