ஆண்டவர்  என்றுமுள  அரசர்;  அவரது  நிலத்தினின்று  வேற்றினத்தார்  அகன்று விடுவர்.  ஆண்டவரே,  எளியோரின்  விருப்பத்தை  நீர்  நிறைவேற்றுகின்றீர்;  அவர்கள்  உள்ளத்திற்கு  ஊக்கம்  அளித்து  அவர்களுக்குச்  செவிசாய்க்கின்றீர்.  நீர்  அனாதைகளுக்கும்  ஒடுக்கப்படுகிறவர்களுக்கும்  நீதி  வழங்குகின்றீர்;  மண்ணினின்று  தோன்றிய  மனிதர்  இனியும்  அவர்களைத்  துன்புறுத்த மாட்டார்கள்.

 

திருப்பாடல்கள் 10:16-18

நாம்  இயேசுவின்  முன்  நம்மிடம்  இருக்கும்  சிறு  வளங்களையும்  பகிரும்போது,  அவற்றை,  அவர்  பலுகிப்  பெருகச்  செய்கிறார்,  இதைத்தான்,  நாம்,  ஆபிரகாமிலிருந்து,  அன்னை  மரியா வரையும்,  ஐந்து  அப்பங்களையும்,  இரண்டு  மீன்களையும்  வைத்திருந்த  சிறுவனின்  புதுமையில்  வரும்  சிறுவனிலும்,  காண்கிறோம்  என  எடுத்துரைத்து,  அனைத்தையும்  மேலும்  மேலும்  குவிக்க  விரும்பும்  மனித  இயல்புகளுக்கு  மத்தியில்,  இருப்பதையும்  பகிரும்படி  கேட்பது,  இயேசுவின்  செயலாக  உள்ளது.

திருத்தந்தை  பிரான்சிஸ்

பேர்கன் கத்தோலிக்க திருச்சபை

ஒஸ்லோ மறைமாவட்டப் பங்குகளுள் விஸ்தீரணத்தாலும் ஒரே கோயிலைச் சார்ந்த கத்தோலிக்கரின் எண்ணிக்கையாலும் முதலிடம் பெறுகிறது பேர்கன் புனித பவுல் ஆலயப்பங்கு. மேற்கு நோர்வேயின் கேந்திரமாக விளங்கும் பேர்கன் நகர்மத்தியில் 1858ம் ஆண்டளவில் கட்டப்பட்ட புனித பவுல் ஆலயம் இன்று 20000ற்கு மேற்பட்ட கத்தோலிக்கரைக் கொண்டுள்ளது.
தற்போதைய பங்குக்குரு அருட்டிரு. டொம் அலொய்ஸ் ப்ரூடெர்சென் (Dom Alois Brodersen) இன்னும் அவரோடிணைந்து மேலும் 8 குருக்கள், பல்வேறு மொழிக்குழுமங்களுக்குப் பணிபுரியும் 3 ஆன்மிககுருக்கள் மற்றும் 12 அருட்கன்னியர்கள் 1 திருத்தொண்டர் அத்தோடு இன்னும் பல பொதுநிலைப்பணியாளர் போன்றோரின் சேவையினால் பேர்கன் புனித பவுல் ஆலயப்பங்கு வளர்ச்சி காண்டு வருகிறது.

Go to top
Template by JoomlaShine