உங்கள்  அன்பு  கள்ளமற்றதாய்  இருப்பதாக!  தீமையை  வெறுத்து  நன்மையையே  பற்றிக்கொள்ளுங்கள்.  உடன்  பிறப்புகள்போன்று  ஒருவருக்கொருவர்  உளங்கனிந்த  அன்பு  காட்டுங்கள்;  பிறர்  உங்களைவிட  மதிப்புக்கு  உரியவரென  எண்ணுங்கள்.  விடா  முயற்சியோடும்  ஆர்வம்மிக்க  உள்ளத்தோடும்  ஆண்டவருக்குப்  பணிபுரியுங்கள். எதிர்நோக்கி  இருப்பதில்  மகிழ்ச்சி  கொள்ளுங்கள்;  துன்பத்தில்  தளரா  மனத்துடன்  இருங்கள்;  இறைவேண்டலில்  நிலைத்திருங்கள்.                      உரோமையர் 12:9-12

 “உம்  சொற்படியே  எனக்கு  நிகழட்டும்”  என  அன்னை  மரியா  கூறிய  இந்த  எளிய  வார்த்தைகள்,  நம்  இறைவேண்டலுக்கு  ஒரு  நல்லதொரு  எடுத்துக்காட்டாக  உள்ளன.  இறைவிருப்பத்தில்  முழு  நம்பிக்கைகொண்டு,  அவருக்கு நம்  இதயங்களைத்  திறந்தவர்களாகச்  செயல்படுவதை  இந்த  இறைவேண்டலின்  வார்த்தைகள்  காட்டி  நிற்கின்றன.  நம்  இதயங்களும்,  அன்னை  மரியாவின்  மாசற்ற  இதயத்துடன்  ஒன்றித்திருந்து,   இறைவிருப்பத்திற்குத்  தங்களை  திறந்ததாகச்  செயல்படுவதாக.  இறைவிருப்பத்திற்கு  நம்  இதயத்தைத்  திறந்தவர்களாகச்  செயல்படுவது  என்பது,   இயேசுவின்  வாழ்வு,  மற்றும்,  மீட்புப்பணியின்  மறையுண்மைகளை  ஆழ்ந்து  தியானிப்பதன்வழி  இடம்பெறுவதாகும்.

 -- திருத்தந்தை  பிரான்சிஸ் 

பேர்கன் கத்தோலிக்க திருச்சபை

ஒஸ்லோ மறைமாவட்டப் பங்குகளுள் விஸ்தீரணத்தாலும் ஒரே கோயிலைச் சார்ந்த கத்தோலிக்கரின் எண்ணிக்கையாலும் முதலிடம் பெறுகிறது பேர்கன் புனித பவுல் ஆலயப்பங்கு. மேற்கு நோர்வேயின் கேந்திரமாக விளங்கும் பேர்கன் நகர்மத்தியில் 1858ம் ஆண்டளவில் கட்டப்பட்ட புனித பவுல் ஆலயம் இன்று 20000ற்கு மேற்பட்ட கத்தோலிக்கரைக் கொண்டுள்ளது.
தற்போதைய பங்குக்குரு அருட்டிரு. டொம் அலொய்ஸ் ப்ரூடெர்சென் (Dom Alois Brodersen) இன்னும் அவரோடிணைந்து மேலும் 8 குருக்கள், பல்வேறு மொழிக்குழுமங்களுக்குப் பணிபுரியும் 3 ஆன்மிககுருக்கள் மற்றும் 12 அருட்கன்னியர்கள் 1 திருத்தொண்டர் அத்தோடு இன்னும் பல பொதுநிலைப்பணியாளர் போன்றோரின் சேவையினால் பேர்கன் புனித பவுல் ஆலயப்பங்கு வளர்ச்சி காண்டு வருகிறது.

Go to top
Template by JoomlaShine