காவல் தூதரை நோக்கி செபம்:

காவல் தூதரைநோக்கி செபம் என்பது கத்தோலிக்க திருச்சபையின் மரபு மன்றாட்டுகளில் ஒன்றாகும். இது காவல் தூதரின் பரிந்துரையினை வேண்டும் விதமாக அமைந்துள்ளது. சிறுவர்களுக்கு துவக்கத்தில் கற்றுக்கொடுக்கப்படும் செபங்களில் இதுவும் ஒன்று. இது கடவுளின் அன்பில் கத்தோலிக்க திருச்சபைக்கு இருக்கும் நம்பிக்கையினையும் அவர் அளித்துள்ள அருட்கொடையான காவல் தூதரின் உள்ள நம்பிக்கையினையும் எடுத்தியம்பும் விதமாக அமைந்துள்ளது.

செபம்:

எனக்கு காவலாயிருக்கிற இறைவனின் வானத்தூதரே, இறைவனின் கருனையால் உம்மிடம் ஒப்புவிக்கப்பட்ட எனக்கு ஞான ஒளியைத்தந்து, என்னை எல்லாத்தீமைகளிலிருந்தும் காத்து நடத்தி ஆண்டருளும் - ஆமென்

ஜூன் மாதம் இயேசுவின் திரு இதயத்திற்கு அர்ப்பணிக்கப்பட்டது:

தாழ்ச்சியும், தயாளமும் நிறைந்த இதயமே! அன்புத் தீ சுடர்விட்டு எரியும் இதயமே! இதயங்களின் அரசும், மையமுமான இதயமே! ஆறுதல் அனைத்தின் ஊற்றான இதயமே! எங்கள் உயிரும் வாழ்வுமான இயேசுவின் திரு இதயமே!

எங்கள் மேல் இரக்கமாயிரும்.

ஆமென்.

Read more: ஜூன் மாதம் இயேசுவின் திரு இதயத்திற்கு அர்ப்பணிக்கப்பட்டது

திருச்சிலுவையின் மகிமை விழா

பேரிரக்கமுள்ள இறைவா,

மாந்தர் அனைவரின் மீட்புக்காக உம் ஒரே திருமகன் பணிவுடன் சிலுவையை ஏற்கத் திருவுளமானீர். மனித பார்வைக்கு வலுவின்மையாகவும் இகழ்ச்சிக்குரியதாகவும் இடறலாகவும் தோன்றும் சிலுவையின் மறைபொருளில் பொதிந்திருக்கின்ற உண்மையான இறைவல்லமையையும் இறைமாட்சியையும் இறைஞானத்தையும் ஆழ்ந்து உணர்ந்து, உம் திருமகனின் சிலுவை அளிக்கும் மீட்பை முழுமையாகப் பெற்றுக்கொள்ள எங்களுக்கு அருள்புரியும்.

உம்மோடு தூய ஆவியின் ஒன்றிப்பில் இறைவனாய் என்றென்றும் வாழ்ந்து, ஆட்சி செய்கின்ற எங்கள் ஆண்டவரும் உம் திருமகனுமாகிய இயேசு கிறிஸ்து வழியாக உம்மை மன்றாடுகின்றோம். - ஆமென்.

புனித மரியன்னையின் துயரங்கள்  (வியாகுல அன்னை)

எல்லாம் வல்ல இறைவா,

தம் மகனின் சிலுவை அடியில் நின்று அவருடைய பாடுகளில் பங்கேற்கும் அளவிற்கு மரியன்னைக்கு ஆற்றல் அளித்தீரே!        நாங்கள் அந்த அன்னையோடு கிறிஸ்துவின் பாடுகளில் நாளும் எங்களை இணைத்து, அதன் வழியாக உயிர்ப்பின் வாழ்வு   வாழச் செய்தருளும்.

உம்மோடு தூய ஆவியின் ஒன்றிப்பில் இறைவனாய் என்றென்றும் வாழ்ந்து, ஆட்சி செய்கின்ற எங்கள் ஆண்டவரும் உம்   திருமகனுமாகிய இயேசு கிறிஸ்து வழியாக உம்மை மன்றாடுகின்றோம். - ஆமென்.

கல்லறை செபமும் திரு இரத்தப் பிரார்த்தனையும்

 திவ்விய இரட்சருடைய கல்லறையில்கண்டெடுக்கப்பட்ட செபம்:

 இயேசுவின் நேச இருதயமே! உம் இருதயத்தின் அருள்சுடர் ஒளியிலிருந்து என் விசுவாச ஒளியைப் பெற்று நான் வாழ, என்னை உமக்கு நிரந்தரமாக அர்பணிக்கிறேன்.

 நமது திவ்விய இரட்சருடைய கல்லறையில் கண்டெடுக்கப்பட்ட செபத்தின் வரலாறு:

Read more: கல்லறை செபமும் திரு இரத்தப்....