மனிதருடைய  நடத்தையெல்லாம்  அவர்  பார்வையில்  குற்றமற்றதாய்த்  தோன்றலாம்.  ஆனால்,  ஆண்டவர்  அவர்  உள்ளெண்ணத்தைச்  சீர்தூக்கிப்  பார்க்கிறார்.

பலிசெலுத்துவதைவிட  நேர்மையாகவும்  நியாயமாகவும்  நடப்பதே  ஆண்டவருக்கு  உவப்பளிக்கும்.
 
மேட்டிமையான  பார்வை,  இறுமாப்புக்  கொண்ட  உள்ளம்  —  இவை  பொல்லாரிடம்  பளிச்சென்று  காணப்படும்  பாவங்கள்.

ஒருவர்  பொய்  பேசிச் சேர்க்கும்  பொருள்,  காற்றாய்ப்  பறந்துவிடும்;  அவரது  உயிரையும்  அது  வாங்கிவிடும்.

ஏழை  கூக்குரலிடும்போது  எவன்  காதைப்  பொத்திக்கொள்கிறானோ,  அவன்  தானே  உதவிக்காக  மன்றாடும்போது  எவரும்  அவனுக்குச்  செவி  கொடுக்கமாட்டார்.

நீதி  நிலைநாட்டுவது  நேர்மையானவருக்கு  மகிழ்ச்சியளிக்கும்;  தீமை  செய்வோருக்கோ  அது  திகிலுண்டாக்கும்.

 - நீதிமொழிகள் 21:2-4, 6, 13, 15

லெபனாண் பெய்ரூட்டில் நிகழ்ந்த வெடி அனர்த்தம்பற்றி அனைவரும் அறிந்திருப்பீர்கள்.

140 மேற்பட்டோர் கொல்லப்பட ஆயிரக்கணக்கானோர் காயமடைந்துள்ளனர்.

நகரின் பெரும்பகுதி பாதிப்படைந்துள்ளதுடன் ஆயிரக்கணக்கானோர் இல்லிடமிழந்து நிர்க்கதிக்குள்ளாகியுள்ளனர்.

இவ்வாறு பாதிக்கப்பட்டடோருக்கு உதவிசெய்ய கத்தோலிக்க தொண்டு நிறுவனங்களும் நமது பேர்கன் புனித பவுல் ஆலயப்பங்கும் முனைந்து நிற்கின்றன.

மேற்படி மனிதநேயப்பணிக்கு 'பெய்ரூட் 2020"  என குறிக்கப்பட்ட கோயில் உண்டியலில் பங்களிப்புச் செய்யலாம் அல்லது 617931 என்ற Vipps இலக்கத்திற்கு பணம் செலுத்தலாம்.

சேகரிக்கப்படும் மொத்த நிதியுதவியும் Caritas மேற்பார்வையில் ஜேர்மன் ‘Kirke in Not’ அமைப்பின்மூலம் பாதிக்கப்பட்டோருக்கு அனுப்பப்படுகின்றது.

Bergen, 7. aug 2020

Alois Arnstein Brodersen Can.Reg., Sogneprest

வழிபாடுகள்
வழிபாடுகள் இல்லையேல்கிறிஸ்தவமில்லை. திருப்பலியே எம் வாழ்வின் ஊற்றும் உச்சமுமாய் இருக்கின்றது. கத்தோலிக்க நம்பிக்கை வழிபாடுகளின்வழியேதான் வழங்கப்படுகின்றது, வளர்க்கப்படுகின்றது, வாழப்படுகின்றது. தனிநபராகவும் இறைசமுகமாகவும் வாழவும் வாழவும் வழிபடவும் உதவுகின்ற கத்தோலிக்க வழிபாட்டிலக்கியப் பொக்கிஷம் அளவில் விசாலமானது, காலத்தால் பண்பட்டது, கருத்தால் ஆழமானது.

Go to top
Template by JoomlaShine